– Ritus initiales –
Grátia Dómini nostri Iesu Christi,
Et cáritas Dei,
Et communicátio Sancti Spíritus
Sit cum ómnibus vobis.
Et cum spiritu tuo.
– Confíteor –
Fratres, agnoscámus peccáta nostra,
Ut apti simus
Ad sacra mystéria celebránda.
Confiteor Deo omnipoténti
Et vobis, fratres,
Quia peccávi nimis cogitatióne,
Verbo,
Opere et omissióne :
Mea culpa, mea culpa,
Mea máxima culpa.
Ideo precor beátam Mariam
Semper Virginem,
Omnes Angelos et sanctos,
Et vos, fratres,
Oráre pro me
Ad Dóminum Deum nostrum.
Misereátur nostri omnípotens Deus
Et, dimíssis peccátis nostris,
Perdúcat nos ad vitam aetérnam.
Amen.
– Liturgia verbi –
Deo gratias.
Glória tibi, Dómine.
Laus tibi, Christe.
– Credo –
Credo in Deum
Patrem omnipotentem,
Creatorem caeli et terrae.
Et in Iesum Christum,
Filium eius unicum, Dominum nostrum,
Qui conceptus est de Spiritu Sancto,
Natus ex Maria Virgine,
Passus sub Pontio Pilato,
Crucifixus,
Mortuus, et sepultus,
Descendit ad inferos,
Tertia die resurrexit a mortuis,
Ascendit ad caelos,
Sedet ad dexteram Dei
Patris omnipotentis,
Inde venturus est
Iudicare vivos et mortuos.
Credo in Spiritum Sanctum,
Sanctam Ecclesiam catholicam,
Sanctorum communionem,
Remissionem peccatorum,
Carnis resurrectionem,
Vitam aeternam.
Amen.
Vel
Credo in unum Deum,
Patrem omnipotentem,
Factorem coeli et terrae,
Visibilium omnium et invisibilium.
Et in unum Dominum Jesum Christum,
Filium Dei unigenitum,
Et ex Patre natum ante omnia sæcula.
Deum de Deo,
Lumen de lumine,
Deum verum de Deo vero,
Genitum, non factum,
Consubstantialem Patri :
Per quem omnia facta sunt.
Qui propter nos homines, et propter nostram salutem
Descendit de coelis.
Et incarnatus est de Spiritu Sancto
Ex Maria Virgine,
Et homo factus est.
Crucifixus etiam pro nobis sub Pontio Pilato ;
Passus et sepultus est,
Et resurrexit tertia die
Secundum Scripturas,
Et ascendit in coelum
Sedet ad dexteram Patris.
Et iterum venturus est cum gloria,
Iudicare vivos et mortuos ;
Cujus regni non erit finis.
Et in Spiritum Sanctum,
Dominum, et vivificantem :
Qui ex Patre Filioque procedit.
Qui cum Patre et Filio,
Simul adoratur et conglorificatur :
Qui locutus est per prophetas.
Et unam, sanctam, catholicam
Et apostolicam Ecclesiam.
Confiteor unum baptisma
In remissionem peccatorum.
Et expecto resurrectionem mortuorum,
Et vitam venturi sæculi.
Amen.
– Liturgica Eucharistica –
Benedictus es, Dómine Deus univérsi,
Quia de tua largitáte accépimus panem,
Quem tibi offérimus,
Fructum terræ et óperis mánuum hómimum,
Ex quo nobis fiet panis vitæ.
Benedictus es, Dómine, Deus univérsi,
Quia de tua largitáte accépimus vinum,
Quod tibi offérimus,
Fructum vitis et óperis mánuum hómimum,
Ex quo nobis fiet potus spiritális.
Benedictus Deus in soecula.
Ut meum ac vestrum sacrifícium acceptábile
Fiat apud Deum Patrem omnipoténtem.
Suscípiat Dóminus sacrifícium de mánibus tuis
Ad laudem et glóriam nóminis sui
Ad utilitátem quoque nostram totiúsque Ecclesiae suae sanctae.
– Prex Eucharistica –
– – –
Mortem tuam annuntiamus, Domine,
Et tuam resurectionem confitemur,
Donec venias.
.
.
.
.
– Ritus communionis –
Praecéptis salutáribus móniti,
E divína institutióne formáti,
Audémus dícere :
Pater noster
Qui es in cælis
Sanctificetur nomen tuum
Adveniat regnum tuum
Fiat voluntas tuas
Sicut in cælo et in terra.
Panem nostrum quotidianum
Da nobis hodie
Et dimitte nobis débita nostra
Sicut et nos dimittimus
Debitoribus nostris
Et ne nos inducas in tentationem
Sed libera nos a malo.
Líbera nos, quaesumus, Dómine,
Ab ómnibus malis da propítius pacem
In diébus nostris,
Ut, ope misericórdiae tuae adiúti,
Et a peccáto simus semper líberi
Et ab omni perturbatióne secúri,
Exspectántes beátam spem
Et advéntum salvatóris nostri Iesu Christi.
Quia tuum est regnum,
Et potéstas,
Et glória in saecula.
Dómine Iesu Christe,
Qui dixísti Apóstolis tuis :
Pacem relínquo vobis,
Pacem meam do vobis :
Ne respícias peccáta nostra,
Sed fidem Ecclésiae tuae ;
Eámque secúndum
Voluntátem tuam pacificáre
Et coadunáre dignéris.
Qui vivis et regnas in saecula saeculórum.
Et cum spíritu tuo.
Ecce Agnus Dei,
Ecce qui tollit peccáta mundi.
Beáti qui ad cenam Agni vocáti sunt.
Dómine, non sum dignus,
Ut intres sub téctum meum,
Sed tantum dic verbo,
Et sanábitur ánima mea.
– Ritus conclusionis –
Benedícat vos omnípotens Deus
Pater, et Fílius et Spíritus Sanctus.
