09-25-HT Jezi, w se chimen an

R. Jezi, w se chimen an
Ki mennen nou bò kot Papa a
Ou menm sèl se laverite,
Ou se lavi.

1. Nou pa janm wè yon moun ki pale tankou ou.
Pèsonn pa kapab fè sa ou te konn fè yo.
Bondye avèk ou.

2. Janbatis te di nou : “Men mouton Bondye a !”
Nan Jezi nou ka jwenn tout favè Bondye n nan.
Vini non, n a wè !

3. Tout moun ki kwè nan ou ap gen lavi tout tan.
Sila yo k ap swiv ou pap mache nan fènwa,
Men nan limyè w la.

4. Moun ki pa pran kwa li, pap ka mache dèyè m,
Men sila a ki pèdi lavi l li va sove l.
Mache nan wout mwen !

5. Yon rivyè dlo lavi ap koule sòt nan kè w.
An n louvri kè n byen laj pou n resevwa Lespri
Pou n viv nan renmen.