1. Pange, lingua, gloriosi
Corporis mysterium,
Sanguinisque pretiosi,
Quem in mundi pretium
Fructus ventris generosi
Rex effudit gentium.

Ref. Jesu, Jesu,
Jesu, adoramus te !
Ježiš, Ježiš, klaniame sa tebe.
Jésus, Jésus, nous t’adorons, ô Jésus !
Jesus, Jesus, Jesus, we adore You, Lord.
Jesus, Jesus, Jesus, wir beten Dich an.

2. Nobis datus, nobis natus,
Ex intacta Virgine,
Et in mundo conversatus,
Sparso verbi semine,
Sui moras incolatus
Miro clausit ordine.

3. In suprema nocte coena,
Recumbens cum fratribus,
Observata lege plene,
Cibis in legalibus,
Cibum turba duodena
Se dat suis manibus.

4. Verbum caro, panem verum
Verbo carnem efficit,
Fitque sanguis Christi merum,
Et si sensus deficit,
Ad firmandum cor sincerum,
Sola fides sufficit.

5. Tantum ergo Sacramentum
Veneremur cernui,
Et antiquum documentum
Novo cedat ritui,
Prastet fides supplementum
Sensuum defectui.

6. Genitori genitoque
Laus et jubilatio,
Salus, honor, virtus quoque
Sit et beneditio,
Procedenti ab utroque
Compar sit laudatio.